ZIGOITIKO TOPONIMIA
“Aitaren, semearen eta bietatik datorrenaren izenean…Nik Arroncio jaunak eta nire seme Tellok, eta… dohaintza egiten diogu Okoiztako San Vicente monasterioari,,,” (871)
Esaldi honekin hasten da Zigoitian ezagutzen dugun lehen dokumentua (seguruenik espureoa), 871 urtekoa. Bertan OKOIZTA-LETONU-ZESTAVE-ERIHEHI-OLLEROS, ZATIKA herri eta lekuzko izenak agertzen dira, lehen aldiz.
Eta horrela hasi zen Araba Euskaraz jaia ospatzeko burutu ziren hitzaldi-irteerak Eribe inguruetan 2023ko irailaren 3an eta Letonan 2024ko irailaren 1ean. Abadelaueta Elkarteak gidatu zuen eta gaia izan zen “ZIGOITIKO TOPONIMIA, ulertzeko eta interpretatzeko gakoak”.
