Zigoitiko herrietako gaur egungo toponimia

Gaur egungo toponimia  XX. Mendeko 70. hamarkadan Zigoita udalerrian finkak partzelatzeko prozesuaren ondorioz sortu ziren izenak dira, ordura arteko termino asko eta asko desagertzea ekarri zutenak.

Urte horietan  Vitoria-Gasteiz hiriburuaren industrializazioa gertatu zen. Horrek bizitegi-aldaketa handia ekarri zuen, eta, ondorioz, Zigoitiko biztanleriak bere historia osoan izan zuen beherakada handiena, eta eragin handia izan zuen kultura tradizionalaren eta antzinako toponimiaren galeran, ordura arte indarrean egon zen nekazaritza- eta abeltzaintza-munduko bizimodua ulertzeko moduari hertsiki lotuta baitzegoen.

Toponimia berri hau orain arte adinekoei esker mantendu da, hauek ere gero eta gutxiago, eta gero eta helduagoak, eta baita mendia ezagutzen dutenei esker ere, nekazariak, abeltzainak, ehiztariak, perretxikozaleak…

Jarraian aurkezten ditugun koadro eta mapetan pertsona horiek mantendu dituzten toponimoak agertzen dira, funtsean bi lanetan bildu direnak:

– José Antonio González de Salazarrek (Cuadernos de Toponimia 7) 1996 urtean argitaratutako inkesta eta liburua.

.- Abadelaueta Elkartea 2022tik aurrera egiten ari den inkesta. Toponimo horiek kokatzeko 18 herriguneetako zaharrei galdetu egiten zaie.

Gainera, beste datu dokumentatu batzuk gehitu ditugu, mugarrietan, mapetan eta liburuetan gehitu eta erkatu ditugu, mapa eguneratuak eta dokumentuak sortzeko eta toponimoen proposamen moderno bat eskaintzeko, geroago  osatu ahal izango direnak.

Puntuek eta izenek kokapen zabaletarako leku zehatzak adierazten dituzte; beraz, gutxi gorabeherako erreferentziak eta geolokalizazioak dira.